З нагоды 100-годдзя ад нараджэння пісьменніка Рыгора Бярозкіна

       НАС – ЛЕС !

    З нагоды 100-годдзя ад нараджэння
  пісьменніка Рыгора Бярозкіна (3.07.1918—1.12.1981)

           “--Вунь подпіс сведкі і – гайда:
         за Омскам ёсць Караганда,--
         там ППЛ за пяць гадоў
         падправіць так, што будзь гатоў
         спяваць нам на ўсе сто ладоў…”
          ххх
Ці ты Рыгор, ці Гірша ты --
Працоўны Лагер Свалаты
закрэсліць Менск і Магілёў,
мелодыі тваіх палёў
і медалі пасля баёў….
          ххх
Ратуе сына Саламона
ад чорных здзекаў ахламона
калі не Тора, то Прастора
перажытога з ёю гора…
         ххх
Вішнёў, Бярозкін, Падбярэзскі…
Тут пералік лагодна-вескі:
Дубоўка, Баравы, Калінін,
Каштанаў, з імі – Дубавец,
Ракіцкі… Й гэта не канец…
          ххх
Нас – лес! Літаратура – пушча:
камель і крона там. Мы – гушча!
…А падсякалі карані.
І сёння, ЛЕС, гудзі-звані!
          ххх
Ідзе Стагоддзе. Нам не змора
сказаць, хто быў-ёсць непакора:
жывы атожылак-падпора
 імя Бярозкіна
                 Рыгора.

  28.06.2018

           Сяргей Панізьнік

 

Leave Comment

Your email address will not be published. Required fields are marked *

Privacy Preference Center

Necessary

Advertising

Analytics

Other