«(Не)расстраляныя»

Гэтая кніга — не пра ахвяраў.
У ёй расказваюцца гісторыі маладых і амбітных людзей, якія жылі напоўніцу. Кахалі і верылі,
расчароўваліся і памыляліся. Яны засьпелі гістарычныя зьмены, сталі сьведкамі зьяўленьня новай краіны.
І менавіта ім выпаў лёс фармаваць яе культурнае аблічча.
…Іх перапынілі на паўслове. Лёс усіх герояў гэтай кнігі абарваўся трагічна, як і жыцьцё значнай часткі
ўсёй інтэлігенцыі таго часу. Але Беларусь выжыла, і цяперашняму пакаленьню выпаў лёс падлічыць стра-
ты. Мы мусім гэта зрабіць, каб кожная ахвяра была названая і аплаканая.
І гэта толькі першы ўзровень ушанаваньня…
Сяргей Будкін,
аўтар ідэі і кіраўнік праекту «(Не)расстраляныя»